Nigeriyädä poliomielitqa qarşı vakŝinaŝiya kampaniyäse başlanğan

 Könbatış Afrika ile Nigeriyäneň Anambra ştatında poliomielitqa qarşı başlanğan kampaniyädä 2,3 million bäbi häm balağa privivka yasağannar.

Bu xaqta ştatnıň sälamätlek saqlaw komissarı Afam Obidike xäbär itä.

Soňğı ayda başlanğan vakŝinaŝiya kampaniyäsendä 0-5 yäş’täge 1,5 million balağa privivka yasaw küzdä totılğan, maqsatçan sannı uzıp kitep 2,3 million balağa vakŝina kertelgän.

Obidike ştatta vakŝinaŝiya kampaniyäseneň däwam itüen belderde, ata-analar, tärbiyäçelärne  virusqa qarşı immunitetnı köçäytü öçen balalarına privivka yasarğa öndäde.

Afrikada Burundi, Nigeriya, Gambiya, Uganda, Benin, Burkina –Faso, Kamerun, Êfiopiya, Mali, Niger, Çad häm Sudanda poliomielit açıqlandı.

Azıq-tölek, su häm êlemtä aşa yoqqan poliomielit virusına qarşı çaralar kürelmäsä, ul sulış yulları problemalarına, balalarnıň ğomer buyı paraliçlanuına häm ülemgä kiterergä mömkin.