Ärmänstan Fälästin däwläten räsmi räweştä tanıdı

Ärmänstannıñ “Armenpress” räsmi xäbär agentlığı citkergän Tışqı êşlär ministrlığı belderüendä Fälästin däwläteneñ Ärmänstan tarafınnan räsmi bularaq tanıluı citkerelde

2154725
Ärmänstan Fälästin däwläten räsmi räweştä tanıdı

Belderüdä: "Ärmänstan xalıqara xoquqqa, xalıqlarnıñ tigezlege, suverenlığı häm tınıçlıq êçendä bergä yäşäw nigezlärenä bäylelegen tağın ber qat raslıy häm Fälästin däwläten tanıy”, - dip äytelde.

Ärmänstannıñ Berläşkän Millätlär Oyışması İminlek Şurasınıñ Ğazzädä xäzer ük utnı tuqtatu çaqıruı yasalğan qararlarına quşıluı iskärtelep uzılğan belderüdä ilneñ ike däwlätle çişeleşne yaqlawına basım yasaldı.

İspaniyä, Norvegiyä häm İrlandiyä 28nçe mayda, Sloveniyä isä 4nçe iyün’dä Fälästin däwläten räsmi räweştä tanığan ide. İñ soñ Ärmänstannıñ da şuşındıy uq qararnı qabul itüe belän Fälästinne tanığan illärneñ sanı 149ğa citte.

Fälästin İlbaşı idaräse Ärmänstannıñ Fälästinne bäysez häm suveren däwlät bularaq tanu qararınıñ qanäğätlelek belän qarşılanıluın häm yuğarı bäyälänelüen belderde.

Ärmänstannıñ qararı ike yaqlı mönäsäbätlärneñ nığıtıluı, töbäktä tınıçlıq häm totrıqlılıq urnaştırıluı yünäleşendä möhim adım bularaq bäyälände.

İzrail isä Fälästinne tanu qararın qabul itkän Ärmänstannıñ tulı wäqalätle ilçesen "qatı şeltä" öçen tışqı êşlär ministrlığına çaqırıluın belderde.



Bäyläneşle xäbärlär