Franśiyä sośial’ çeltärdä iñ "räximsez" däwlät

Franśiyä Awrupa Berlege qısalarında sośial’ platformalarda iñ küp näfrät häm köç qullanu yaqlı yazmalar urtaqlaşuçı däwlät buldı.

İlon Masknıñ sośial’ media platforması Xnıñ xisabına qarağanda, Franśiyä älege mäs’älädä başqa 26 Awrupa Berlege däwläten uzdırdı. Anda näfrät häm köç qullanu êçtälekle şärexläwlär belän bäyle iñ küp sanda yazma, xäbärne beterü häm waqıtlıça yabu belderüe terkälä.

Sośial’ çeltär täwge tapqır kontent modifikaśiyäse belän bäyle açıqlıq xisabın çığardı.

28nçe avgusttan 20nçe oktyabr’gä qadär bulğan çorda Franśiyädä sośial’ çeltärdäge êçtälek kontrole 16 meñ 288 yazmanıñ beterelüenä kiterde. Bu san, çeltärdäge qullanuçılar nisbätennän iñ aktiv däwlät İspaniyä buluğa qaramastan, andağı kürsätkeçtän (7 meñ 743) ike tapqırdan da artığraq.

Franśiyädä beterelgän kontent arasında yaqınça 4300e êzärlekläwlärgä çaqıru bula. Germaniyädä bu san 1 meñnän beraz artıq, İspaniyädä -1200 buldı.

Moña östämä räweştä, Franśiyädä beterelgän yazmalarnıñ 6 meñnän kübräge köç qullanu belän bäyle. Bu san Germaniyädä 2 meñnän kimräk. Niderlandta – 1100, İspaniyädä – 4100.