Blinken:"İzrailneñ üzen saqlarğa xaqı bar"

AQŞ däwlät särqatibe Êntoni Blinken İzraildä. Ul regionda bäreleşlär başlanğannan soñ 3nçe tapqır Yaqın Könçığışqa säfär yasıy. Blinken yulğa quzğalğanda: “İzrailneñ üz-üzen yaqlaw häm bu tör höcümnärneñ qabatlanmayaçağın täêmin itü mäs’äläsendä barı xoquqı tügel, cawaplılığı bar”,-dide. Ul İzrail, Yordaniyä häm qayber başqa illärne üz êçenä aluçı säfärenä çığar aldınnan başqala Vaşingtonda belderülär yasadı.

Blinken yulındağı berençe tuqtalışı İzrail bulaçağın äytte häm älege ilneñ xärbi xäräkätläre waqıtında grajdanlılarnı saqlawnıñ ähämiyätenä tuqtalıp: “Sivillärne tağın da yaxşıraq saqlaw öçen yasalaçaq adımnar xaqında söyläşergä telibez”-dide.  

Blinken İzrail-Fälästin bäreleşeneñ başqa illärgä dä taraluın çikläwne üzläreneñ östenlekle mäs’älälärennän berse buluın citkerde. Şulay-uq, äsirlärneñ irekkä çığarıluınıñ da ähämiyätle buluın östäde.

Blinken grajdanlılarnıñ ülemnäre öçen “Xamas”nı ğayepläde, anıñ tınıç xalıqnı - canlı qalqan, xastaxanälär häm mäçetlärne ştab bularaq qullanuın alğa sörde.