Suğış başqa frontlarğa cäyelü êtabına yaqınlaştı

İran tışqı êşlär ministrı Xösäyen Ämir Abdullaxiyan İzrail häm Fälästin törkemnäre arasında bulğan bäreleşlärdä säyäsi çişeleş öçen waqıtnıñ tarayuın, suğışnıñ başqa frontlarğa taraluğa taba yaqınlaşuın söyläde. Ul X sośial’ media platformasındağı yazmasında Tunis, Malayziya häm Paqıstan tışqı êşlär ministrları belän telefon aşa älege tema xaqında söyläşülären belderde.

“Tunis, Malayziya häm paqıstanlı waqzıyfadaşlarım belän uzğan söyläşüdä Ğazzädä sionistlarnıñ üterülär häm suğış cinayät’lären kiçekmästän tuqtatırğa häm regionğa tizräk gumanitar yärdäm cibärelergä tiyeşlege assızıqlandı. Säyäsi çişeleş öçen waqıtnıñ azay baruın häm suğışnıñ başqa frontlarğa taralu ixtimalı êtabına yaqınlaşuın belderdem,”-dide Abdullaxiyan.

“Xamas” oyışması 7nçe oktyar’dä İzrailgä qarşı “Aqsa tufanı” dip ataluçı külämle höcüm başlawın xäbär itte. Ğazzädän İzrailgä taba meñnärçä raketa atıldı, qorallı törkemnär töbäktäge toraq punktlarğa kerde.

İzrail armiyäse dä xärbi oçqıçlar belän Ğazzädä “Timer qılıçlar” xäräkäte başlawın iğ’lan itte.

Kiyerenkelek arta, ike yaqta da yözlärçä ülüçe bar.