İzrail höcümnären däwam (дәвам) itterä

İzrailneñ Ğazzägä höcümnärendä 493 keşe yaqtı dön’yadan kitte, alardan 78e – balalar. Höcümnärdä 2751 keşe yaralandı.

Bu xaqta Ğazzädäge Fälästin Sälamätlek saqlaw ministrlığı belderüendä citkerelä.

Belderüdä şulay uq İzrailneñ fälästinle ğailälärgä qarata oyıştırğan 8 küpläp üterüdä 54 keşeneñ ülüe urın ala.

İzrail xärbi oçqıçlarınıñ Ğazzäneñ törle töbäklärenä qarata tön buyı oyıştırğan hawadan höcümnärendä dä 24 keşeneñ ğomere özelgän.

Ğazzädäge xastaxanä häm iminlek çığanaqlarınnan alınğan mäğlümatqa kürä, Ğazzäneñ Misır çigenä yaqın urnaşqan Refah şähärendäge Êbu Hilal ğailäseneñ öyenä İzrail xärbi oçqıçlarınıñ hawadan höcüme näticäsendä öy xalqınnan 18 keşeneñ ğomere özelde, yaralanuçılar bar.

Şähärneñ Beyt Lahye töbägendäge qayber ğailälärneñ öylärenä oyıştırılğan hawadan bombalaw nätcäsendä 1 keşe yaqtı dönyadan kitkän, 20dän artıq keşe yaralanğan.

Han Yunıs şähärendä urnaşqan Abul Amreyn ğailäse öyenä xärbi oçqıçlardan raketalarnıñ töşüe näticäsendä 5 keşeneñ ğomere özelgän, şaqtıy keşe yaralanğan.

İzrail xärbi oçqıçları Ğazzäneñ könçığışındağı Şucaiyye mäxälläsendä Hamas xäräkäten qoruçılardan bulğan häm säyäsi byuro äğzase Ravhi Müştehanıñ öyenä dä hawadan höcüm oyıştırıldı.

Hawadan höcümnär şulay uq uzğan tönne şaqtıy buldı. Bombağa totu şähärneñ küp kenä urınında özleksez däwam itte.

İzrail armiyaseneñ Ğazzägä qarata hawadan höcümnären däwam itterüennän soñ Ğazzädäge qarşılıq törkemnäre raketalar belän cawap qaytardı.

İzrail armiyase şulay uq Yordannıñ könbatış üzänlegenä dä basımnarın arttırdı.

Fälästinneñ Sälamätlek saqlaw ministrlığı açıqlaw yasap, aralarında Qüdus-Yerusalim da bulğan Yordannıñ könbatış üzänlegeneñ şähär häm rayonnarınnan êl-Xälil, Ramallah, Êriha, Nablus häm Kalkıliyyedä uzğan şimbädän bügengä qadär barlığı 14 fälästinleneñ İzrail armiyase açqan utta yaqtı dön’yadan kitüen citkerde.