Yasalma aqıl DNKnı tikşeräçäk
“DeepMind” yasalma aqıl yärdämendä xastalıqlarğa kiterüçe gennarnı tabunı tizlätä
“Google”nıñ yasalma aqıl programmasın yasaw şirkäte “DeepMind” yasalma aqıl yärdämendä keşe DNKsında xastalıqlarğa kiterüçe gennarnı tabunı tizlätä.
BBC beldergänçä qullanıluçı yasalma aqıl programması DNKdağı üzgäreşlärne tanıy ala.
“AlphaMissense” isemle yaña sistema keşeneñ DNK ceplärendäge komponentlarnıñ çiratın kontrol’ itä. Çirattağı xata organizmdağı küzänäklär häm tuqımalarnıñ döres räweştä citeştermäwenä, monıñ da xastalıqqa iltä alaçağına işaräli.
“DeepMind”tan Pushmeet Kohli yaña sistema yärdämendä DNKdağı barlıq möhim mutaŝiyalärneñ 89%ın bilgeläwlären citkerde.
Awrupa Molekulyar biologiya laboratoriyaseneñ ğomum mödir urınbasarı Professor Ewan Birney älege täraqqıyät’ne zur adım bularaq bäyäläp bolay dide: “Bu, klinika tikşerenüçeläreneñ xastalıqqa iltä alaçaq urınnarnı tabu öçen qaydan qarıy başlawlarına bulışaçaq.”
Täraqqıyät’neñ diagnoz quyunı tizlätüe häm tağın da yaxşı däwalaw êzlänülärenä yärdäm itüe kötelä.
“DeepMind” uzğan yılnı yasalma aqıl aradaşçılığı belän keşe organizmındağı barlıq aqsımnarnıñ diyälek räweşen öyrängän ide.
“AlphaMissense” aradaşçılığı belän başqarılğan êşçänlek “Science” jurnalında urın aldı.
