Franŝiyadä (Франциядә) 5 qatlı binada yanğın

Franŝiyaneñ (Франциянeң) kön’yağındağı Alpes-Maritimes töbägendä urnaşqan binada çıqqan yanğında 3 keşeneñ ğomere özelgän, 21 keşe yaralanğan.

“Radio-Frans” xäbärenä kürä, Grasse şähärendäge 5 qatlı binada irtänge yaqta yanğın çıqqan.

Waqıyğada 3 keşe yaqtı dönyadan kitkän, 21 keşe yaralanğan. 3 keşeneñ xäle awır.

Töbäkkä kitkän 50gä yaqın yanğın sünderüçe 17 yanğın sünderü maşinası belän yanğınnı kontrol’ astına aldı.

Yanğın çıqqan bina belän tirä-yaqtağı qorılmalar buşatıldı.

Yanğınnıñ çığu säbäbe älegä bilgesez.

Alsas töbägendäge Kolmar şähärendä 9 avgust könne ğariplär häm alarnı qarawçılar yäşägän toraqta çıqqan yanğında 11 keşe ülgän ide.