Paqıstanda bombalı höcüm
Terror höcümendä 7 keşeneñ ğomere özelgän
Paqıstannıñ Bälücistan provinśiysäendä bulğan bombalı terror höcümendä 7 keşeneñ, şul isäptän 1 säyäsätçeneñ, ğomere özelgän.
Milli matbuğattağı xäbärlärgä qarağanda, Bälücistannıñ Keç cirlegendä yul çitenä quyılğan yıraqtan idarä itelgän bomba tınıç xalıq maşinası uzıp barğanda şartlağan.
Bombalı terror höcümendä 7 keşe ğomeren yuğaltqan. Ülüçelär arasında Bälücistan Xalıq partiyäsennän İsxak Yakub ta bar.
Höcüm öçen cawaplılıqnı berkem dä üz östenä almağan.
Tön’yaq Väzirstan töbägendä irtänge säğat’lärdä bulğan bombalı höcümdä tınıç xalıqtan irle-xatınlı 2 keşe ülgän.
İldä, ayıruça Xayber Paxtunxva häm Bälücistan provinśiyälärendä soñğı aylarda terror höcünmnäre artqan.
İslamabad bu höcümnärne Äfganstanda urnaşqan Paqıstan “Taliban”ınıñ planlaştıruın äytä, Äfganstan isä bu däğ’walarnı kire qağa.