Difteriya mäktäplärdä däreslärne tuqtatqan

Nigeriyäneñ Bauçi ştatında difteriyädän 5 bala ğomeren yuğaltqaç ştattağı mäktäplärdä belem birü tuqtatılğan.

Nigeriya milli berençe yärdäm kürsäüne üsterü agentlığınıñ Bauçi ştatı koordinatorı doktor Rilvanu Möxämmäd beldergänçä, ştatta difteriya arqasında 5 balanıñ ğomere özelgännän soñ mäktäplärdä qayber uquçılarnıñ difteriya testları pozitiv çıqqan.

Rilvanu Möxämmäd bilgeläp uzğança, difteriya êpidemiyäse arqasında qayber mäktäplärdä däreslär tuqtatılğan, awırularnı profilaktikalaw öçen vakśina yasalaçaq.

Soñğı ike ayda Nigeriyädä 836 difteriya oçrağı terkälgän häm alarnıñ 80eneñ ğomere özelgän.

Yoğışlı awıru bulğan difteriya ülemgä kiterergä mömkin.