Cir şuışu fäläkätendä ğomeren yuğaltuçılar sanı arta
Alarnıñ sanı 65kä citkän
2000661
Kön’yaq Amerika ile Êkvadorda 27 martta bulğan cir şuışu fäläkätendä ğomeren yuğaltuçılar sanı 65kä citkän.
Êkvador milli qurqınıçlar belän idarä itü särqatiplege beldergänçä, faciğadan soñ yaña mäyetlär tabılğan.
Şulay itep cir şuışu afätendä ğomere özelgän keşe sanı 65kä citkän, yuğalğan keşelär bulu ixtimalın küzdä totıp êzläw êşläre tağın beraz däwam itäçäk.
Cir şuışu arqasında 163 yort zıyan kürgän, 60 yort tulısınça cimerelgän.
Cirle massaküläm mäğ’lümat çaralarındağı xäbärlärdä töbäktäge tawda yarıqlar barlıqqa kilüe häm monıñ cir şuışuğa kiterüe alğa sörelgän ide.
