Germaniyädä 2 rus jurnalistın ağuladılar
Alar Mixail Xodorkovskiy çığış yasağan konferenśiyädä qatnaşqannan soñ üzlären säyer xis itä başlıy
Germaniyädä oppoziśiyädäge 2 rus jurnalistınıñ ber çarada ağulanuları şöbhäse belän tikşerü başlandı.
Nemeś matbuğatında urın alğan xäbärlärgä qarağanda, 29nçı-30nçı aprel’dä başqala Berlinda rus êşmäkäre Mixail Xodorkovskiy çığış yasağan konferenśiyädä qatnaşqannan soñ AQŞta yäşäwçe “İrekle Rusiyä” waqıfınıñ citäkçese Nataliya Arno häm tağın ber jurnalist xatın-qıznıñ ağulanu bilgeläre belän xastaxanägä kitüe belderelde. Alar säyer simptomnar: kisken awırtu häm tännäreneñ oyuın xis itüläre öçen tabiblarğa möräcäğat’ itä. Jurnalistlarnıñ nervlarğa täêsir itüçe gaz belän ağulanularında şöbhälänälär.
Arnonıñ, AQŞqa kire qaytqaç, sośial’ media akkauntı aşa belderü yasap, bu tema belän bäyle FBİ alıp baruçı tikşerenülärne xäterlätüe açıqlandı. Amerika dairäläre ike jurnalistnıñ Berlindağı konferenśiyädän alda ağulanğan bula aluın alğa sörä.
Germaniyä poliśiyäse tikşerü baruın rasladı, tik anıñ neçkäleklären urtaqlaşmadı.
