Zelenskiy Avdeyevkada bulğan
Aña fronttağı wäzğıyät’ xaqında mäğ’lümat birgännär
Ukraina däwlät başlığı Volodimir Zelenskiy Rusiya armiyäseneñ köçle höcümnäre däwam itkän Avdeyevka şähärendä bulğan.
İlbaşı apparatı beldergänçä, ul Doñeśk töbägeneñ Avdeyevka şähärendä Ukraina ğaskärläre poziśiyälären qarağan.
”Doneśk” operativ-taktik törkem komandirı Zelenskiyğa fronttağı wäzğıyät’ xaqında mäğ’lümat birgän.
Zelenskiy şulay uq Avdeyevkadağı ğaskärlär belän oçraşqan, Doneśkka säfäre qısalarında Ukraina ğaskärläre däwalanğan xastaxanägä dä barğan.
Volodimir Zelenskiy ğaskärlärgä tiz sälamätlänülären teli häm batırlıqları öçen Däwlät ordennarı tapşıra.
Doneśk ölkäseneñ xärbi idarä başlığı Pavlo Kirilenko üzeneñ sośial’ media akkauntında ruslarnıñ soñğı ber köndä Avdeyevkağa awır qorallar häm raketalar belän höcüm itüläre turında yazdı.
Kirilenko şähärneñ 6 uramınıñ höcümnärdän zıyan kürgänen iskärtte.
