Qoş grippınnan 1 keşe ülde

Qıtay Bötendön’ya sälamätlek saqlaw oyışmasına qoş grippınıñ A tören yoqtırğan ber keşeneñ ülüen citkerde. Älege infekśiyäne bügengä qadär 3 keşe êläkterde, oçraqlarnıñ barısı da Qıtayda.

Qıtay milli sälamätlek saqlaw komissiyäse ber keşedä A (H3N8) virusı açıqlanuı turında mäğ’lümat belän urtaqlaştı. Ul Guandun provinśiyäsendä yäşäwçe 56 yäş’lek xatın-qız bula. 22nçe fevral’dä infekśiyä yoqtırğan keşe 3nçe martta üpkäse şeşü näticäsendä xastaxanägä salına häm 16nçı martta wafat bula. Märxümneñ yaqınnnarı häm êlemtädä bulğan keşelärne dä tikşerälär, alarda awırtu oçrağı tabılmıy.

Älege çirneñ keşedän keşegä ciñel genä yoğu üzençälege yuq, şul säbäple il êçendä, regionda häm xalıqara däräcädä taralu qurqınıçı bik tübän.

Qıtay milli sälamätlek saqlaw komissiyäse qoş grippınıñ A töre belän täwge tapqır keşe awıruı turında 2022nçe yılnıñ aprelendä beldergän ide.