Baxmut frontında xärbi aktivlıq arttı

 Ukrainada yaqınça 14 ay däwam itkän Rusiya - Ukraina suğışı qısalarında iñ köçle bäreleşlär Doneśk töbägendäge front liniyäsendä bara.

İke armiya arasındağı bäreleşlär Lugansk, Xar’kov Xerson häm Zaporojiyädä däwam itä, iñ qatı bäreleşlär Doneśknıñ Baxmut, Avdeyevka, Marinka häm Ugledar yünäleşlärendä bula.  

Strategik urını bulğan Baxmutta berniçä ay däwamında köçle bäreleşlär bara.

Öç yağınnan Rusiya ğaskärläre qamap alğan häm şähär êçendä bäreleşlär däwam itkän Baxmut äyterseñlä suğışnın üzägenä äylände.

Ayıruça Avdeyevka häm Marinka belän iñ qaynar noqta bularaq belengän Baxmut frontında xärbi aktivlıqnıñ artuı iğ’tibarnı cälep itä.

Tanklar, pexotaçılarnı yörtüçe bronyalı texnika yuğarı tizlektä xäräkt itkän töbäktä özleksez şartlaw tawışları işetelä.

Baxmutqa kergän ukrainalı ğaskärlärneñ küplege isä şähärdä nindi köçle suğış däwam itüen bik açıq kürsätä.