Äfğanstan häm Çilidä cir teträwlär
Zilzilälärdä ülüçelär bar
Äfğanstannıñ Hindikuş töbägendä kiçä kiç bulğan 6,5 ball zurlığındağı cir teträw arqasında Paqıstanda ğomere özelüçelärneñ sanı 9ğa citte, 160tan artıq keşe yaralandı. Ülüçelär arasında 2 xatın-qız häm 2 bala da bar.
Geo News telekanalındağı xäbärgä qarağanda, Äfğanstannıñ çigenä yaqın Xayber Paxtunxva töbägendä zilzilä köçle sizelä. Anda xäzergä qadär 19 öy öleşçä zıyan kürde.
Amerika geologik tikşerenülär üzägennän belderülärençä, 6,5 ball zurlığındağı cir teträwneñ märkäze Äfğanstannıñ tön’yaq-könçığışındağı Badaxşan ölkäseneñ Curm rayonına turı kilä.
Zilzilä Paqıstannıñ başqalası İslamabad belän Laxor, Ravalpindi, Kuêtta, Peşaver häm tağın bik küp şähärdä sizelä.
Kön’yaq Amerikadağı däwlät Çilineñ üzäk töbäklärendä dä 5,6 ball zurlığında cir teträw buldı.
Çili universitetı milli seysmologiyä bülege citkergänçä, üzäge Melipilla şähärenä turı kilüçe zilzilä cirle waqıt belän 14säğat’ 38 minutta terkälä. 57 çaqrım tiränlektä bulğan cir teträwdä ülüçe yäisä başqa zıyan turında älegä belderü yasalmadı.
