Nigeriya xalıqara cämäğat’çelektän yärdäm sorıy

 Nigeriyäneñ Borno ştatı gubernatorı Babagana Zulum ilneñ tön’yaq-könçığışında “Boko Xaram” terror oyışması höcümnäre arqasında küçerelgän 1 million 200 meñ keşene qabat urnaştıru öçen xalıqara cämäğat’çelektän yärdäm sorağan.

Gubernator beldergänçä, lager’larğa sıyınuçılar arasında Çad häm Niger watandaşları da bar.

“Bu xäl borçuğa sala, çönki yäşägän cirlärennän küçep kitkän keşelär xökümät häm iğanäçelär yärdäme belän yäşilär, läkin monnan arı monı däwam itterü mömkin tügel. Bez xalıqara cämäğat’çelekne bu keşelärne yañadan urnaştıruda yärdäm itärgä çaqırabız”,- di gubarnator.

Zulum Bornoda qurqınızsızlıq yağınnan xälneñ yaxşıraq buluın häm qaçaqlarnıñ yaqınça 80%ınıñ öylärenä qaytuın bederä.

Nigeriyädä 2000 nçe yıllardan başlap höcümnär oyıştırğan “Boko Xaram”nıñ 2009 nçı yıldan birle massaküläm köç qullanu çaralarında meñlägän keşe ğomeren yuğaltqan.

Terror oyışması 2015 nçe yıldan başlap çik kürşeläre Kamerun, Çad häm Nigerdä dä höcümnär oyıştıra.