Tön'yaq Koreyada AQŞ belän suğışqa äzerlek bara
Amerika Quşma Ştatları belän suğışu öçen 1 million 400 meñ keşe armiyägä yazılğan
1962639
Koreya yarımutrawında kiyerenkelek kimemi.
Tön’yaq Koreya däwlät telekanalı Amerika Quşma Ştatları belän suğışu öçen 1 million 400 meñ keşeneñ armiyägä yazıluın citkerde. Xäbärdä älege yäş’lärneñ videosı da kürsätelä.
Tön’yaq Koreya liderı Kim Çen In da atna axırında uzğan AQŞ häm Kön’yaq Koreyağa qarşı atom-töş höcüme sśenariylı xärbi öyränülärdä qatnaşuın belderelde. Älege çaradan fotoräsemnär dä kürsätelde.
AQŞ häm Kön’yaq Koreya armiyäläre dä regionda soñğı yıllardağı iñ külämle xärbi künegülären däwam itä.
Tön’yaq Koreya Kön’yaq kürşeseneñ başqalası Seuldan 65 çaqrım yıraqlıqta uzuçı künegülärgä reakśiyä kürsätte. Anı basıp alu repetiśiyäse bularaq bäyälädelär.
