Blinken İslamofobiya belän köräşkä iğ’tibarnı yünältte

Blinken 15nçe mart İslamofobiya belän köräş xalıqara köne mönäsäbäte belän yasağan belderüendä härkemneñ här urında töşençä, vöcdan, din häm ışanu, xätta inanmaw häm ışanıçın almaştıru iregenä iyä buluın iskärtep uzdı.

Möselmannarnıñ dönya külämendä dini ışanuğa nigezlängän disriminaśiyağa häm näfrätkä yış duçar buluına iğ’tibarnı yünältüçe Blinken: "Här şäxes individual’ yäki cämğıyät bularaq açıqtan-açıq yäki yäşeren räweştä ışanuların belderü, ütäw häm öyrätü xörriyätenä dä iyä,” – dip bäyäläw yasadı.

Däwlät särkätibe Blinken:

"Bügen dönya külämendä möselman bularaq üzen tanu yäki ğıybadät itü säbäbe belän qulğa alınğan, törmägä utırtılğan, xätta üterelgän keşelärgä iğ’tibarığıznı yünältäbez. AQŞ keşelärneñ vöcdannarı nigezendä yäşäwlären yaqlarğa däwam itäçäk. Möselmannar dönya külämendä izge ramazan ayına äzerlängän çaqta Amerika Quşma Ştatlarında häm başqa illärdä näfrät belän köräşergä tırışıyq,” – dip çaqıru yasadı.

Berläşkän Millätlär Oyışması 2022nçe yılnıñ 15nçe martın İslamofobiya belän köräş xalıqara köne itep iğ’lan itkän ide.