Somalida intixar höcüme
Höcüm xökümät räsmiläre bulğan qunaqxanägä oyıştırılğan
Somalinıñ kön’yağındağı Gedo töbägendä xökümät räsmiläre bulğan qunaqxanägä intixar höcüme oyıştırılğan.
Töbäkneñ qurqınıçsızlıq wäqalätlese Möxämmäd Ali Aden beldergänçä, şartlatqıç töyälgän maşina qunaqxanä yanında şartlatılğan.
Waqıyğada 2 qurqınıçsızlıq xezmätkäreneñ ğomere özelgän.
Milli massaküläm mäğ’lümat çaralarındağı xäbärlärgä qarağanda, Gedo gubernatorı Äxmät Bule Garad belän 43 nçe diviziya komandirı Äxmät Abdullahi Hirsi cäräxätlär alıp höcümnän isän qalğannar.
Şartlaw arqasında tirä - yaqtağı binalar da zıyan kürgän.
Höcümneñ cawaplılığın “Äş-Şäbab” terror oyışması üz östenä alğan. İntixar höcüme xaqında älegä räsmi belderü yasalmadı.
Somali armiyäse “Äş-Şäbab”qa qarşı operaśiyälär oyıştırğannan soñ terror oyışması törle şähärlärdä bombalı höcümnären arttırdı.