Mozambikka ğarasat yaqınlaşa

Mozambiknıñ Milli afät riskı belän idarä itü häm azaytu institutı Freddi ğarasatınıñ ildäge 70 meñ keşegä täêsir itä alaçağı turında kisätte.

İnstitut başlığı Luiza Mek matbuğatqa açıqlaw yasap, ğarasatnıñ ayıruça Sofala, Zambezia häm İnhambane töbäklärendä küzätelä alınaçağın citkerde.

Mek Mozambiktağı 70 meñ keşe öçen 15 sıyınu üzäge äzerläwlären belderde.

“Risk astında buluı uylanılğan keşelärne iñ qısqa waqıtta töbäktän çığaraçaqbız,” – dide ul.

Hind okeanındağı Könçığış Afrika ile bulğan Mavrikiyda isä yaqınlaşuçı ğarasat arqasında oçqıç säfärläre ğamäldän çığarıldı.

Freddi ğarasatınıñ bügen Madagaskarğa kilüe kötelä.