Germaniyada qayber oçışlar ğamäldän çığarıldı

“Ver.di” hönärçelär berlegeneñ däwlät xezmäte êşläwçelären Frankfurt/Main, Myunxen’, Stuttgart, Hamburg, Dortmund, Hannover häm Bremen hawa mäydannarında bügen tulı kön êş taşlaw çarasın ütkärergä çaqıruınnan soñ Frankfurt häm Myunxen’ aêroportlarınnan yasalaçaq 1 meñ 300 reysnıñ bötenese dä ğamäldän çığarıldı.

Telgä alınğan başqa aêroportlarda da törle marşrutlarda oçışlarnıñ ğamäldän çığarıluı häm soñarular kötelä.

Üz qaramağında törle şirkätlär bulğan “Lufthansa törkeme”nnän yasalğan belderüdä daimi oçış operaśiyäläreneñ şuşı hawa mäydannarında 18nçe fevral’ şimbä könennän başlap zur külämdä ğadäti xälgä qaytuınıñ kötelüe äytelde.