Putin - Aliyev söyläşüe
Rusiya däwlät başlığı belän Azärbaycan ilbaşı telefonnan söyläşkän
Rusiya Federaśiyäse däwlät başlığı Vladimir Putin belän Azärbaycan ilbaşı İlham Aliyev telefonnan söyläşkän.
Azärbaycan ilbaşı idaräse belderüendä äytelgänçä, alar ike il arasındağı xezmättäşlek häm Azärbaycan - Ärmänstan çigendä totrıqlılıq häm qurqınıçsızlıqnı täêmin itü turında süz alıp barğan.
Liderlar şulay uq ike il arasında iq’tisadi häm säwdä xezmättäşlege, urtaq ênergiya häm transport proyektları xaqında da söyläşkännär.
Putin häm Aliyev Kön’yaq Kavkaz töbägendäge xäzerge wäzğıyät’ xaqında fiker alışqan, Azärbaycan- Ärmänstan çigendä totrıqlılıq häm qurqınıçsızlıqnı täêmin itü öçen êzlekle çaralar kürüneñ möhimlegenä basım yasağannar.
Söyläşü barışında Rusiya, Azärbaycan häm Ärmänstan arasında öç yaqlı kileşülärne şartsız tormışqa aşırunıñ ähämiyäte assızıqlanğan.
Şulay uq Azärbaycan häm Rusiya arasındağı êlemtälärneñ törle formatta däwam itäçäge belderelgän.
