Amerika qıytğasındağı iñ zur törmä açıldı
Ul Sal'vadorda urnaşqan häm 40 meñ keşe sıydırışlı
Sal’vadorda Amerika qıytğasındağı iñ zur törmä açıldı. Açılışta däwlät başlığı Naib Bukele dä qatnaştı. 40 meñ keşe sıydırışlı törmä Tekoluka şähärçege yanındağı ber üzänlektä 166 gektar mäydanda urnaşqan.
Bukele Twitter akkauntında ilendäge bandalarğa qarşı köräş maqsatınnan tözelgän häm Amerika qıytğasınıñ iñ zur törmäse buluı belderelüçe “Terrorçılıqnı konservaśiyäläw üzäge” turında bolay dip yaza: “Kiçä Terrorçılıqnı konservaśiyäläw üzägen açtıq. Barı 7 ayda tözelde häm ber ük waqıtta bandalarğa qarşı köräştä tulısınça ciñüdä iskitkeç faydası bulaçaq”.
Ğadälät häm ictimağıy iminlek ministrı urınbasarı Osiris Luna älege üzäkneñ soñğı texnologik mömkinleklär belän tözelüen, törmäne köne-töne 600 xärbi, 250 poliśiyä xezmätkäre häm törmä saqçısı küzätäçägen belderde.
