Malavida xoleradan ülüçelär sanı arta

Malavida xoleradan ülüçelär sanı 990ğa citkän.

Malavi sälamätlek saqlaw ministrlığı mäğ’lümatlarına qarağanda, ildä soñğı täwlektä xoleradan 30 keşe ülgän, oçraqlar sanı 29 meñ 995 bulğan.

Sälamätlek saqlaw ministrı Xumbize Kandodo Çiponda xalıqnı gigiyena qağydälären ütärgä häm çista su qullanırğa öndägän.

İlgä cibärelgän 2,9 million doza xolera vakśinası da betkän.

Global’ sälamätlek saqlaw oyışmaları häm xökümätlärneñ çaraları näticäsendä yıllar däwamında kimi barğan xolera oçraqları klimat üzgäreşe, yarlılıq häm bäreleşlär kebek säbäplär arqasında qabat arta başladı.

Bötendön’ya sälamätlek saqlaw oyışması mäğ’lümatlarına qarağanda 2017-2021 nçe yıllarda dön’yada xolera êpidemiyäse bulğan illär sanı 20 dän az bulsa, 2022 nçe yılda alarnıñ sanı 26 ğa citkän.