Äfğanstanda salqınnar

Äfğanstanda artqan salqınnar arqasında tuñıp ülüçelär sanı 78gä kütärelde.

Taliban waqıtlıça xökümäteneñ Tabiğıy afätlärdän cawaplı däwlät ministrlığı süzçese Şafiullah Rahimi mäs’älä belän bäyle bularaq matbuğatqa açıqlaw yasadı.

İldä küzätelgän salqınnar arqasında soñğı 9 köndä tuñıp ülüçelär sanının 78 buluın beldergän Rahimi yaqınça 75 meñ êre mögezlek terlekneñ dä ülüen citkerde.

Äfğanstannıñ Meteorlogiya oyışması citkergänçä bıyıl qış aylarında hawa däräcäse uzğan yıl belän çağıştırğanda ike tapqırğa suıq.

Gor vilayätendä temperatura -34 bularaq terkälgän.

Taliban süzçese Zabihullah Mücahid tä açıqlaw yasap, ğomere özelüçelärneñ ğailäläreneñ qayğısın urtaqlaştı, räsmi urınnarğa kiräkle çaralar kürergä boyırdı.