Pol’şa migraśiya belän köräştä Türkiyä belän xezmättäşlek urnaştıra

Arkadiusz Mularczyk 24nçe fevral’dä Rusiyä-Ukraina suğışı başlanğannan soñ Awrupanıñ migraśiyane niçek itep idarä itüe häm Pol’şada yäşängän täräqqıyätlär turında “Anadolu” agentlığına açıqlawlar yasadı.

Pol’şanıñ Ukrainadağı krizis belän bäyläneşle bularaq Awrupa Berlegenä migraśiya limitları mäs’äläsendä nindi dä bulsa şartnı alğa sörmäwen belderüçe Mularczyk ukrainalılarnıñ qabul itelüe, urın almaştıruı häm töp ixtıyaclarınıñ täêmin itelüe belän bäyle çığımnarnıñ üzlärenä möhim külämdä yök alıp kiterüenä iğ’tibarnı yünältte.

Awrupa komissiyası belän grant kileşülärgä qul quyıluın häm yärdämneñ berençe öleşe bulğan yaqınça 700 million zlotine (149 million yevronı) aluların citkerüçe Mularczyk çığımnarınıñ 10 milliard zloti (2,2 milliard yevro) külämendä buluın isäpläwlären äytte.

Ministr urınbasarı: "Däwlätlärneñ migraśiya krizisı belän tağın da tigez räweştä häm teläktäşlek êçendä köräş alıp baruı kiräk. Pol’şanıñ dus häm strategik urtaq bularaq kürgän Türkiyä belän xezmättäşlekkä häm täcribä belän urtaqlaşuğa äzer bez,” – dip äytte.

Ukraina xalqın yaqlarğa däwam itäçäklären häm bu mäs’älädä qatğıy buluların iskärtep uzuçı Mularczyk Rusiyä-Ukraina suğışı başlanğannan birle 9 millionnan kübräk ukrainalınıñ Pol’şa çigen uzuın, ildä xäzerge waqıtta yaqınça 3 million yarım ukrainalınıñ buluın häm bolarnıñ 1 millionnan kübrägeneñ räsmi terkälgän räweştä êşläwen belderde.

İkençe Bötendönya suğışınnan birle iñ zur krizis belän oçraşuların citkerüçe Arkadiusz Mularczyk: "Pol’şalılarnıñ teläktäşlege häm açıqlığı belän xökümätneñ häm cirle räsmilärneñ tırışuları yärdämendä wazğıyätne kontrol’ astına ala aldıq häm kürşelärebezne qabul itä aldıq,” – dip äytte.