Su basu qorbannarınıñ sanı arta
Alarnıñ sanı 90ğa kütärelgän
Braziliyäneñ kön’yağındağı Riu - Grandi- du - Sul ştatında köçle yawım-töşemnär kiterep çığarğan su basudan ğomerlären yuğaltqan keşelär sanı 90ğa, yuğalğannar sanı 131gä citkän.
Bu xaqta ştatqa bäyle Grajdannar saqlanu bülekçäse xäbär itä.
Êzläw häm qotqaru êşlärendä 14 meñ 500 xezmätkär êşli, 30 oçqıç häm 182 köymä yärdämendä 25 keşe afät töbägennän qotqarılğan.
Su basudan 840 meñnän keşe zıyan kürgän, 121 meñ 957 keşe keşe yäşägän cirlären taşlap kitärgä mäcbür bulğan.
Cirle matbuğattağı xäbärlärgä qarağanda, millionnan artıq keşe töp ixtıyaclarğa ireşüdä citdi qıyınlıqlar kiçerä, 98 qasabada telefon häm internet xezmätläre kürsätelmi.
Riu- Grandi- du - Sul ştatı gubernatorı Êduardo Leyt 3 nçe mayda yasağan belderüendä faciğanıñ zurlığı arqasında 180 könlek afät torışı iğ’lan itülären, xalıqnı êvakuaśiyäläw öçen zur tırışlıq quyuların citkergän ide.
İke tapqır afät töbägendä bulğan Braziliya däwlät başlığı Luiz İnasiu Lula da Silva töbäkne ayaqqa bastırırğa wäğ’dä birde.
