Tormış öçen yaraqlı planeta açıldı
100 million yaqtılıq yılı yıraqlığındağı êkzoplanetada su barlığı farazlana
Amerika Quşma Ştatlarınıñ aviaśiya häm ğaläm agentlığı Cirgä yaqınça 100 million yaqtılıq yılı yıraqlığındağı yoldız tiräsendä äylänüçe häm tormış öçen yaraqlı êkzoplaneta açtı.
NASAdan belderülärençä, êkzoplaneta Del’fin (Dorado) yoldızlığınıñ yäşäw mömkinlege bula aluçı öleşendä urnaşqan. Ul Cir zurlığında.
"TOI 700 e" dip ataluçı êkzoplaneta orbitasındağı yoldızğa öslegendä su toruına mömkinlek birerlek yıraqlıqta.
NASA tikşerenüçese Êmili Gilbert bolay dip belderä: “Bu bezgä bilgele berniçä keçkenä yäşärlek planetası bulğan sistemalardan berse”.
Gilbert bu açışnıñ TOI 700 sistemasın tağın da yaqınnan küzätü öçen dulqınlandırğıç alğarış buluın assızıqlıy. Ul iñ axırğı açıqlanğan "TOI 700 e" planetasınıñ monnan alda açıqlğan "TOI 700 d”den yaqınça 10%qa keçkenä buluın citkerä.
