Tufraq astınnan tağın 3 keşeneñ gäwdäsen çığardılar

İtaliyäneñ İsk’ya utrawında 26nçı noyabr’dä bulğan cir şuışu waqıtında yuğaluçılarnıñ tağın 3seneñ gäwdäse tabıldı häm ülüçelär sanı 11gä citte. Yuğalğan sanaluçı 1 keşene isä êzläw êşçänlege däwam itä.

Utrawnıñ administrativ üzäge bulğan Neapol’ gubernatorı Klaudio Palomba beldergänçä, hawa şartları nisbätennän qabat “sarı” yäisä “kişer sarısı” kategoriyäsendä xäwef iğ’lan itelgändä, İsk’yadan kimendä meñ keşene êvakuaśiyälärgä kiräk bulaçaq.

Utrawda 26nçı noyabr’dä çiktän tış köçle yawım-töşem arqasında kilep çıqqan cir şuışu näticäsendä qayber yortlar tufraq astında qaldı häm bik küp maşina diñgezgä kitte. Xökümät afät zararın qaplaw öçen 2 million yevro bülep birde.

Keşe ülemnärenä kitergän tabiğıy hälakättän soñ utrawdağı qanunsız toraq tözü probleması qabat kön üzägenä çıqtı