Tayvan’ tiräsendä Qıtay xärbi köçläre
Tayvan’ saqlanu ministrlığı kön däwamında Qıtayğa bäyle 63 xärbi oçqıçnıñ häm 4 xärbi köymäneñ kürenüen belderde
Ministrlıqtan yasalğan belderügä kürä, oçqıçlarnıñ 28e Tayvan’ buğazında taraflarnıñ yoğıntı mäydannarın çikläwe kileşelgän hawa häm diñgez sızığınıñ könçığışında, 3 oçqıç isä Tayvan’nıñ “Hawa saqlanu töbäge” dip iğ’lan itkän urınnıñ kön’yaq-könbatışında oçtı.
Utraw tiräsendä bilgelängän hawa häm diñgez transportı häm 4 köymä êlektron küzätü caylanmaları, patryul’ oçqıçları, köymälär häm ciröste raketa sistemaları belän küzätelde.
Tayvan’ saqlanu ministrlığı monnan alda yasağan belderüendä kön däwamında utraw tiräsendä Qıtayğa bäyle 44 xärbi oçqıçnıñ, 2 xärbi dronnıñ häm 4 xärbi köymäneñ kürenüen citkergän ide.
Ministrlıqtan yasalğan belderügä kürä, 15 oçqıç häm 2 dron Tayvan’ buğazında taraflarnıñ yoğıntı mäydannarın çikläwe kileşelgän hawa häm diñgez sızığınıñ könçığışında, 4 oçqıç isä Tayvan’nıñ “Hawa saqlanu töbäge” dip iğ’lan itkän urınnıñ kön’yaq-könbatışında oçtı.
Utraw tiräsendä bilgelängän 46 hawa transportı häm 4 köymä êlektron küzätü caylanmaları, patryul’ oçqıçları, köymälär häm ciröste raketa sistemaları belän küzätelde.
Qıtaynıñ Amerika Quşma Ştatları Wäkillär palatası başlığı Nênsi Pelosineñ avgust ayındağı säfärennän soñ Tayvan’ tiräsendäge xärbi patryul êşçänlegen häm Tayvan’ buğazın ayıruçı “urta sızıq”nı uzğan oçışlarnı arttıruı küzätelä.
Pelosi – Qıtay belän suverenlıq bäxäse êçendäge utrawğa 25 yıldan soñ säfär qılğan berençe AQŞ Wäkillär palatası başlığı bulğan ide.
Vizit utrawnı üz cirläreneñ öleşe bularaq kürgän Qıtaynıñ reakśiyäsenä säbäp bulğan ide.
Qıtay ğaskäre säfärdän soñ utraw tiräsendä xärbi künegülärne başlatqan, 7 kön däwam itkän künegülär utrawnıñ tirä-yağında ğamäli qamalış buldırğan ide.
Çın qorallar qullanılğan xärbi künegülär waqıtında Qıtay materigınnan atılğan idarä itelä torğan raketalar Tayvan’ yanındağı su kiñlegenä kilep töşkän ide.
Qıtay kommunistlar partiyasınıñ uzğan ayda oyıştırğan 20nçe Milli kongressında partiya qağıdänamälär cıyılmasına: "Tayvan’nıñ bäysezlegenä qarşı çığılaçağı häm bäysezlekkä qağılışlı omtılışlarnıñ totqarlanaçağı” süzläre östälgän ide.
Pekin, "ber Qıtay nigeze”nä basım yasap, Tayvan’nıñ dönya illäre belän möstäqıyl diplomatik mönäsäbätlär urnaştıruına, Berläşkän Millätlär Oyışmasında häm başqa xalıqara oyışmalarda wäkillek itelüenä qarşı çığa, üzen tanığan illärneñ Tayvan’ belän diplomatik mönäsäbätlärne özärgä quşa.
