Tön’yaq Koreya raketa cibärgän. Yaponiya xalıqnı öydä qalırğa çaqırğan
Yaponiya Tön’yaq Koreyanıñ 3 raketa sınawın ütkärüen belderde
Däwlät televideniyäse “NHK” Tön’yaq Koreyanıñ cirle waqıt belän säğät 07.51, 08.41 häm 08.51dä oçırtqan raketalarnıñ Yapon diñgezenä kilep töşüen xäbär itte.
Berençe raketadan soñ Yamagata, Niigata häm Miyagi vilayätlärendä êşli başlağan aldan kisätü sisteması yullamasında xalıqnıñ binalarda qaluı soralğan.
Yaponiya Baş ministrı Kişida Fumio jurnalistlarğa yasağan belderüendä raketa sınawların "tüzelmäslek” räweşendä bäyäläde.
Kişida oçırtılğan berençe raketanıñ qıytğalarara ballistik raketa buluın farazlawların äytte.
Kişida qarşı adımnarnıñ yasaluı belän bäyle bularaq Amerika Quşma Ştatları häm Kön’yaq Koreya belän xezmättäşlekneñ däwam iteläçägen iskärtep uzdı.
Yaponiya yar buyı iminlege berençe sınawdan soñ Tön’yaq Koreyanıñ tağın ike raketa ırğıtuın açıqladı.
Soñğı ike raketanıñ Yapon diñgezenä kilep töşüe belderelde.
Şul uq waqıtta Amerika Quşma Ştatları häm Kön’yaq Koreya Tön’yaqnıñ raketa sınawlarınnan soñ urtaq hawa künegüläreneñ waqıtın ozaytu mäs’äläsendä kileşte.
Xärbi künegülär 31nçe üktäbr’dä başlatılğan ide.
