Şaxtada 21 mäyet tabıldı
Dälillär älege 21 cäsädneñ başqa urınnan kiterelgän bula aluın kürsätä
Kön’yaq Afrika cömhüriyäteneñ Yoxannesburg şähäre yanındağı Krugersdorp rayonında ike altın şaxtası skvajinasında 21 mäyet tabıldı. Alarnıñ qaçaq şaxtaçılar buluın uylıylar.
Däwlät telekanalı SABCnıñ xäbärenä qarağanda, Krugersdorptağı ber şaxta qoyısında 19 üle gäwdä tabılğannan soñ, yänäşädäge tağın ber qoyını qarıylar. Annan 2 mäyet çığa.
Poliśiyä idaräse wäkile Brenda Muridili äytüençä, qulğa töşerelgän dälillär älege 21 cäsädneñ başqa urınnan kiterelgän bula aluın kürsätä. Mäyetlärneñ cirlektä yış oçqıy torğan qanunsız şaxtaçılarnıqı buluın uylıylar.
“Xäzergä cinayät’ êşlänüdä şöbhälänmibez. Ülem säbäpläre êkspertizadan soñ açıqlanaçaq,”-dide poliśiyä idaräse wäkile.
Krugersdorpta ilneñ bay altın şaxtalarınıñ ähämiyätle öleşe urnaşqan. Biredä “zama zama” dip ataluçı qaçaq şaxtaçılar aktiv êşçänlek alıp bara.
