Doneśk, Lugansk, Xerson häm Zaporoj’ye ölkälärendä xärbi xäl rejimı kertelä

Rusiya Federaśiyäse däwlät başlığı Vladimir Putin Ukrainanıñ anneksiyälängän Doneśk, Lugansk, Xerson häm Zaporoj’ye töbäklärendä xärbi xäl kertü turındağı qararnamägä qul quyğan.

Vladimir Putin anneksiyälängän töbäklärdäge qurqınıçsızlıq risklarına qarşı maksimal’ cawap birü häm anda regional’ saqlanu ştabları buldıru turındağı qararnı imzalağan.

Putin:” Doneśk, Lugansk, Xerson häm Zaporoj’ye töbäklärendä ,alar Rusiyäneñ öleşe bulğançı, xärbi xäl buluın isegezgä töşeräm. Xäzer bu rejimnı räsmiläşterergä kiräk”,- dip beldergän.

Mäskäw xakimiyäte Ukrainağa açılğan 8 töbäkkä kerep çığunı da çiklägän.

Kreml’ süzçese Dmitriy Peskov äytüençä, Rusiyäneñ 4 töbägendä xärbi xäl kertü qanunı nigezendä ilneñ barlıq çiklären yabu planlaştırılmıy.