İranda protestlar däwam itä

İranda 22 yäş’lek Mäxsa Amininıñ äxlaq poliśiyäse tarafınnan qulğa alınuınnan soñ ülüe näticäsendä başlanıp kitkän rizasızlıq çaralarında ğomere özelüçelär sanı 41 buldı.

Bilgele bulğança, yäş’ qıznı 13nçe sentyabr’dä baş yabu qağıydälären ütämäwe öçen alıp kitälär. 16nçı sentyabr’dä ul xastaxanädä wafat bula. Şunnan soñ il külämendä äxlaq poliśiyäse häm mäcbüri baş yabuğa qarşı protestlar başlandı.

İran däwlät telekanalı xäbärenä qarağanda, rizasızlıq çaralarında xäzergä qadär 41 keşeneñ ğomere özelde. Alar arasında poliśiyä xezmätkärläre häm inqıylab saqçıları da bar.

İranlı wäqalätlelär il külämendä üle sanı belän bäyle räsmi belderü yasayaçaq.

Tähran poliśiyä idaräse Mäxsa Aminineñ wafat buluı xaqındağı belderüendä anıñ qağıydälärne ütämäwe öçen qulğa alınuın häm şunnan soñ, bernindi fizik kontakt bulmağan xäldä, bülekçädä añın yuğaltıp yığıluın citkerde.