Batqan köymädäge 94 keşeneñ mäyete tabıldı

Livannan Awrupağa kitärgä teläwçe migrantlarnı utırtqan köymäneñ Süriyä tiräsendä batuı näticäsendä ülüçelärneñ sanı 94kä citte.

Livan yuğarı yärdäm komitetı citäkçese, general Möxämmät Xayır 22nçe sentyabr’dä bulğan faciğa turında soñğı mäğ’lümatlarnı citkerde. Ul êzläw häm qotqaru êşçänlege näticäsendä älegä qadär 94 mäyet tabıluın äytä. General qotqarılğan 19 keşeneñ isä Tartusta xastaxanägä salınuın belderde. Alarnıñ 5se livanlı, 2se fälästinle häm 12se süriyäle.

İsegezgä töşeräbez, Livannıñ tön’yağındağı Tripoli şähärennän 22nçe sentyabr’dä quzğalğan qaçaq köymäse battı.