Êyfel' manarası qarañğılıqqa kümelä

Franśiyäneñ başqalası Parijnıñ simvolı bulğan Êyfel manarası utları tönlä irtäräk sündereläçäk. Ul säğat’ tönge 1gä qadär cemeldäp tora ide. Parij mêriyäseneñ ênergetikanı êkonomiyäläw planı qısalarında çığarğan yaña qararı nigezendä, manara utların cirle waqıt belän säğat’ 23 tulıp 45 minutta sünderäçäklär. Mêr Ann İdal’go bu xaqta Twitter aşa citkerde.

Anda Parijdağı barlıq xakimiyät binalarınıñ utlarınıñ kiçke säğat’ 10da sündereläçäge, tik parijlılarnıñ iminlege yözennän uram utlarınıñ açıq toraçağı äytelä.

İdal’go, monnan tış, balalar baqçası şikelle ob’yektlarnı kertmiçä, barlıq däwlät binalarınıñ cılılığı da êtaplap töşereläçägen belderde. İdarä oyışmaları bıyıl yağu sezonın ber ayğa kiçegep başlayaçaq.

Franśiyä matbuğatı Parijda däwlät binalarınıñ utların irtä sünderü qararınıñ 23nçe sentyabr’dän ğamälgä keräçäge turında yaza.