Angliyädä yaña xökümät räise
Konservativ partiyäneñ liderı itep saylanğan Trass ber ük waqıtta ilneñ yaña xökümät räise bulu xoquqına ireşte
Angliyädä xakimiyättäge Konservativ partiyä citäkçelegenä saylanğan Liz Trass ilneñ yaña xökümät räise buldı. Deputatlar arasında uzğan saylawda ul 81 meñ 326 tawış ala. Köndäşe Rişi Sunak isä 60 meñ 399 tawış belän ciñelä.
Şulay itep, xakimiyättäge Konservativ partiyäneñ liderı itep saylanğan Trass ber ük waqıtta ilneñ yaña xökümät räise bulu xoquqına ireşte.
Monarçı xökümätne citäklägän Boris Djonson irtägä Şotlandiyäneñ Balmoral zamogında yal itüçe patşabikä Êlizabet İkençegä wazıyfasınnan kitü ğarizasın tapşıraçaq. Şunnan soñ Trass patşabikädän yaña xökümät tözü wäqaläten alaçaq. Yaña prem’yer irtägä kabinetın da açıqlar dip farazlana.
Boris Djonson 7nçe iyül’dä xakimiyättäge Konservativ partiyä citäkçelegennän kitüen, xökümät räise wazıyfasın yañası saylanğanğa qadär däwam itäçägen belderde.
