İtaliyada Könbatış Nil virusı oçraqları arttı

İtaliyädä Könbatış Nil virusı (KNV) yoqtıru oçraqları soñğı 1 atnada 53%qa arttı. İlneñ yuğarı sälamätlek saqlaw institutınnan belderülärençä, ozınborınnar küçerep yörtä torğan yoğışlı çirne êläkterüçelär sanı uzğan atnada 94 bulğan, 9nçı avgustta ul 144kä citä. Älege awırudan saqlanu öçen vakśina yuq, şuña kürä üzeñne ozınborınğa teşlätmäw - berdänber çara.  

Könbatış Nil virusınıñ inkubaśiyä çorı, ozınborın teşlägän mizgeldän başlap, 2 könnän 14kä qadär. İmmunitetı naçar bulğan keşelärdä bu san 21gä citärgä mömkin.  

Virusnı êläktergän keşelärneñ yaqınça 80%ında bernindi simptomnar kürenmi. Qalğannarda yuğarı temperatura, xälsezlek, küñel bolğanu, baş häm muskul awırtuı küzätelä.

Könbatış Nil virusı kübräk Afrika, Awrupa, Yaqın Könçığış, Tön’yaq Amerika häm Könbatış Aziyädä oçrıy.