Yaña virus: nindi ul?

Qıtay ğalimnäre keşelär öçen ülem qurqınıçı tudıruçı yaña virus taptı. Lan'ya iseme birelgän häm xaywannan keşegä küçüçe çir Qıtayda 35 keşedä raslandı.

Virus älegä qadär ber oçraqta da ülemgä kitermäsä dä, yuğarı ülem däräcäse belän bilgele Nipax häm Xendra virusları belän ber ük tördän. Lan'ya virusı turında belergä kiräk bulğannarnı bergä tupladıq.

Bilgeläre nindi?

İñ kiñ taralğan simptomnar - temperatura, arığanlıq, yötkerü, appetitnı yuğaltu häm muskul awırtuı. Virus leykośitlarnıñ däräcäsen töşerä häm bawırnı êştän çığara.

Niçek tarala?

Ğalimnär virusnıñ xaywannardan keşelärgä küçüen farazlıy. Bu çirdä iñ yuğarı pozitiv test näticäläre cir tıçqannarında çığa. Şuña kürä älege xaywannarnıñ virusnıñ "tabiğıy skladı" buluın uylıylar. Virus êtlärdä häm mäçelärdä dä, az bulsa da, oçrıy. Keşelärdäge oçraqlarnıñ kübese fermerlarğa turı kilä. Tik virusnıñ keşedän keşegä küçä aluı äle bilgele tügel.

Qayda tabıldı?

Virus berençe tapqır Qıtaynıñ tön'yaq-könçığış töbäkläre Şandun' häm Xênan'da 2018nçe yıl axırında açıqlandı. Tik anıñ räsmi bularaq bilgelänüe küptän tügel yasaldı.

Niçek däwalana?

Virusqa qarşı älegä vakśina yuq. Berdänber däwalaw räweşe - çir kiterep çığarğan simptomnarğa qarşı köräşergä yärdäm itüçe preparatlar