"Êsse hawa dulqınnarı - qıyamӓt"
Bu xaqta Bötendön’ya Sӓlamӓtlek saqlaw oyışmasınıñ Awrupa mödire citkerde
Bötendön’ya Sӓlamӓtlek saqlaw oyışmasınıñ Awrupa mödire Doktor Xans Klyuge soñğı atnalarda Awrupada küzӓtelgӓn hӓm ülemnӓrgӓ kitergӓn êsse hawa dulqınıñ qurqınıç qıyamӓt buluın belderde.
Klyuge yazma açıqlaw yasap, Awrupadağı qızular arqasında kürelgӓn ülemnӓrgӓ tuqtaldı.
Klimat üzgӓreşe nӓticӓse bularaq êsse hawa dulqınınıñ tiskӓre tӓêsirenӓ qarşı Awrupa illӓreneñ urtaq plan ӓzerlӓwe zarurlığın assızıqlağan mödir: “Ӓlege krizis xalıq sӓlamӓtlege hӓm bar keşelekkӓ yanıy,” – dide.
“Êsse hawa dulqınnarınıñ tiñe kürelmӓgӓn, qurqınıç hӓm qıyamӓt. Xökümӓtlӓr buş retorikaların taşlap, Parij kileşüendӓge klimat üzgӓreşenӓ qarşı körӓş programmasın ğamӓlgӓ kertü öçen sӓyӓsi iradӓ kürsӓtergӓ tiyeş” - dide ul.
Klyuge tübӓndӓge kiñӓşlӓrne dӓ birde: “Êsselӓrdӓ tӓnegezne suıtığız. Yuka hӓm olı kiyem kiyegez. Salqın duşka keregez. Alkogol’, kafein hӓm şikӓrle êçemleklӓr êçmӓgez.”
