Abe Şinzonıñ üleme küplärne tetränderde
Yaponiyäneñ êlekkege xökümät räiseneñ üterelüe dön'ya külämendä rizasızlıq tudırdı
AQŞ ilbaşı Djo Bayden Yaponiyäneñ êlekkege xökümät räise Abe Şinzonıñ üterelüenä tirän qayğısın belderde.
“Saylaw kampaniyäse waqıtında atıp üterelgän dustım Abenıñ wafatı mine tetränderde, açuımnı kiterde häm canımnı özgäläde. Bu yapon xalqı häm anı belüçe härkem öçen faciğa,”-dip yazdı ul.
Bayden üzeneñ Abe belän yaqınnan êşläw forsatı buluın citkerde. “Bügengä qadär iñ ozaq waqıt wazıyfa başqarğan Yaponiyä xökümäte räise bularaq anıñ açıq häm bäysez Hind okeanı maqsatları däwam itäçäk,”-di AQŞ ilbaşı.
Süz uñayınnan, BMOnıñ keşe xoquqları şurasında delegatlar ğomere özelgän Abe Şinzo öçen ber minut tın tordı.
İsegezgä töşeräbez, aña kiçä Yaponiyäneñ Nara şähärendä Liberal-demokrat partiyä kandidatınıñ saylaw kampaniyäsenä teläktäşlek yözennän açıq hawada uzuçı çarada çığış yasağanda attılar. Awır yaralı xäldä säyäsätçene xastaxanägä alıp kittelär, tik qorqarıp qala almadılar.
