Franśiyädä urman yanğını

Kiçä Franśiyäneñ kön’yağındağı Gard töbägendä başlanğan yanğında 600 gektardan artıq yäşel mäydan kölgä äwerelgän.

Cirle matbuğatta yazılğança, Gard töbägenä bäyle Borderakta başlanğan yanğınnı sünderü öçen 700 dän artıq yanğın sünderüçe êşli.  

Yanğınnıñ säbäbe älegä bilgele tügel, waqıyğa buyınça tikşerü başlanaçaq dip belderälär.

Maxsus qararnamä belän feyerverk qullanu tıyılaçaq.

Yanğın mäydanına yaqın keçkenä toraq punktlar êvakuaśiyälängän.

Töbäktä qorılıq häm köçle cil arqasında yanğınnıñ äle berniçä kön däwam itü qurqınıçı bar.