Germaniyä benzin-dizel' tıyuına qarşı

Germaniyä finans ministrı Kristin Lindner Awrupa Berlegeneñ benzin häm dizel’ yağa torğan yaña avtomobil’lärneñ 2035nçe yıldan soñ tıyıluına qağılışlı qanun tözätmälären qabul itmäyäçäklären belderde. Ul ilneñ sänäğat’ köne qısalarında uzuçı cıyılışta yasağan çığışında plannıñ yalğış buluına basım yasadı. Lindner Germaniyä xökümäteneñ Awrupa Berlege täq’dim itkän älege qanunnı qabul itmäyäçägen äytte.  

Awrupa Berlege komissiyäse 2030nçı yılğa qadär ağulı gazlar bülep çığarunı 55%qa kimetüne maqsat itep quyğan programma qısalarında 2035nçe yıldan başlap satılaçaq yaña avtomobil’lärneñ hawağa zararlı matdälär çığarmawçı tördän buluın kiñäş itte. Şuña kürä berlekkä kerüçe däwlätlärdä äytelgän çordan başlap benzin häm dizel’ yağuçı maşinalar satu tıyılırğa tiyeş. Awrupa parlamentı 8nçe iyün’dä älege tözätmälärne yaqladı. Xäzer äğ’za däwlätlär arasında aña qağılışlı söyläşülär uza.

Awrupa Berlege 2050nçe yılğa qadär barlıq tarmaqlarnı häm maşinalarnı ağulı matdälär bülep çığarmıy torğan ênergiyägä küçerergä niyätli.