Äfğanstanda häm İranda cir teträw buldı

Äfğanstannıñ Paktika töbägendä kiçä tönlä bulğan 5,9 ball zuqlığındağı cir teträwdä, berençel mäğ’lümatlarğa qarağanda, 255 keşeneñ ğomere özelde. Yaralılar da bik küp. Wäqalätlelär êzläw-qotqaru êşläreneñ däwam itüen, zarar kürgän cirleklärgä boralaqlar belän yärdäm cibärelüen xäbär itä.

Amerika Quşma Ştatlarınıñ geologik tikşerenülär bülege zilziläneñ zurlığın başta 6,1 ball bularaq beldergän ide, soñınnan yañarttı.

Cir teträwneñ üzägeneñ Äfğanstannıñ könçığışında Paqıstan çigendäge Xost töbägendä buluı açıqlandı.

Cirle waqıt belän säğat’ 1 tulıp 24 minutta bulğan zilzilä başqala Qabulnı da kertep xalıq küp yäşi torğan şähärlärdä, şulay uq, Paqıstannıñ başqalası İslamabad häm Peşaver şikelle çikkä yaqın qalalarında xis itelde.  

İrannıñ kön’yağındağı Xormuzgan töbäge Bender Lenge rayonında da 5,2 ball zuqlığındağı cir teträw küzätelde. Ul cirle waqıt belän säğat’ 1 tulıp 39 minutta terkälä. Zilzilä cir öslegennän 10 çaqrım tiränlektä barlıqqa kilä.

İrandağı cir teträwdä ülem-kitem yäisä başqa zıyan turında mäğ’lümat yuq.