Qızıl diñgezdä êkologiya kisätüe
Berläşkän Millätlär Oyışması Qızıl diñgezdäge “Safir” neft’ tankerınnan neft’neñ ağıp çığuı näticäsendä êkologik fäläqat’ yäşänä alaçağın kisätte
BMO Yämän ofisınıñ “Twitter” akkauntınnan urtaqlaşılğan yazmada: "“Safir” tankerınıñ zur külämdä neft’ne ağızuı Qızıl diñgezdä êkologiya fäläqatenä yul aça,” – dip äytelde.
Yämänneñ 7 yıldan kübräk däwam itüçe watandaşlar suğışı arqasında cimerelüe citkerelgän belderüdä Qızıl dingezdä barlıqqa kilä alaçaq êkologiya fälaqätenä qağılışlı xisap belän dä urtaqlaşıldı.
Xisapta “Safir” neft’ tankerınıñ Yämänneñ könbatışındağı Hudäydä vilayäteneñ 4,8 diñgez mili kiñlegendä kötüe belderelep, şartlaw yäki neft’ne ağızu riskınıñ buluı citkerelde.
Tankerdäge neft’ ağıp çıqqan oçraqta êkologiya fälaqäteneñ tabiğat’kä, turizmğa häm balıqçılıqqa citdi räweştä tiskäre yoğıntı yasayaçağına basım yasalğan xisapta Soğud Ğäräbstanı, Êritreya, Djibuti häm Somali belän bergä Misırnıñ da bu wazğıyättän täêsirlänä alaçağı iskärtelep uzıldı.
Xisapta ayıruça BMO koordinaśiyäsendäge qotqaru planı öçen xäzergä qadär 40 million dollar yärdäm cıyıluı häm plannı tormışqa aşıru öçen 104 million dollarğa ixtıyac buluı äytelde.
Hudäydä kiñlegendä 2015nçe yıldan birle tözekländerelmägän kileş toruçı “Safir” neft’ tankerınnan 1,1 million miçkä neft’neñ Qızıl diñgezgä ağıp çığu riskı bar.
BMO buluı mömkin ağıp çığunıñ 1989nçı yıldağı “Exxon Valdez” fäläqätendä diñgezgä ağıp çıqqan neft’tän 4 tapqır kübräk bula alaçağı mäs’äläsendä ozaq waqıttan birle kisätü yasıy.
Berläşkän Millätlär Oyışması totrıqlı üseş törkemeneñ (UNSDG) internet säxifäsendä 25nçe aprel’dä çıqqan xisapta Yämänneñ könbatış yarında Qızıl diñgezdäge Ras İsa portı tiräsendä yıllar buyı toruçı “Safir” neft’ tankerı belän bäyle krizisnıñ xäl itelüe öçen 144 million dollarğa ixtıyac buluın beldergän ide.
