Makron: “Törkiyä möhim rol’ne üz östenä aldı”
Franśiya İlbaşı Êmmanuêl' Makron Ukrainadağı aşlıqnıñ ildän çığarıluında Törkiyäneñ möhim rol’ne üz östenä aluın äytte
Êmmanuêl' Makron Awrupa Berlege liderlar sammitınnan soñ matbuğatqa yasağan belderüendä 24nçe fevral’dän birle däwam itüçe Rusiyä-Ukraina suğışı belän bäyle bularaq Awrupa Berlege qabul itkän yaña qararlar belän ber rättän şaqtıy mäs’älägä tuqtalıp uzdı.
Franśiyanıñ Afrika Berlegeneñ çirattağı başlığı Senegal’ belän azıq-tölek iminlege mäs’äläsendä söyläşüen belderüçe Makron qısqa waqıtta Berläşkän Millätlär Oyışması ximayäsendä Törkiyäneñ yärdäme belän Ukrainadağı 20 million tonna aşlıqnı ildän çığarırğa tırışuların äytte.
Makron, Törkiyäneñ urnaşqan torışı häm Qara diñgez belän bäyle kileşülär qısalarında möhim rol’gä iyä buluına iğ’tibarnı yünältep, aşlıqnıñ häm bodaynıñ Ukrainadan çığarıluı belän bäyle bularaq İlbaşı Räcäp Tayyip Ärdoğan häm Rusiyä İlbaşı Vladimir Putin arasındağı söyläşülärdän uñay näticälär alınuın iskärtep uzdı.
Franśiya Däwlät başlığı, problemanıñ kiläse könnärdä xäl iteläçägen ömet itüen belderep, Ukraina İlbaşı Volodimir Zelenskiynıñ bu mäs’älädäge totışın häm Berläşkän Millätlär Oyışması Ğomum särkätibe Antonio Guterreşneñ çişeleş êzlänülären täq’dir belän qarşılawın äytte.
Bäyläneşle xäbärlär
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan
