Tön’yaq Koreya raketaları Yapon diňgezenä kilep töşkän
Yaponiya Tön’yaq Koreyanıň atnakiçen oçırtqan raketalarnıň milli maxsus iq’tisad töbäge çiklärennän çitkä kilep töşüen belderde
Amerika Quşma Ştatları İlbaşı Djo Baydennıň 20nçe-24nçe mayda Yaponiyağa häm Kön’yaq Koreyağa säfäre aldınnan Tön’yaq Koreyanıň raketa sınawları töbäk illären borçuğa sala.
Yaponiya saqlanu ministrı Kişi Nobuo Tön’yaq Koreyanıň kiçä oçırtqan 3 raketanıň yapon milli maxsus iq’tisad töbägeneň çitenä kilep töşüen äytte.
Kişi Tön’yaq Koreyanıň könbatış yarlarınnan cibärelgän raketalarnıň 100 kilometr biyıklekkä citüen häm 350 çaqrım yul ütüeneň farazlanuın belderde.
Raketa oçırtuın “tulısınça qabul itelmäslek” dip bäyäläwçe Kişi: "Tön’yaq Koreyanıň şuşı êşçänlege ilebezneň tınıçlığına häm totrıqlılığına yanıy”, - dip äytte.
Yapon ministrı raketalar kilep töşkän Yapon diňgezendäge küzätü tikşerenülärendä töbäktä xäräkät itkän köymälärdä yäki oçqıçlarda nindi dä bulsa ber zıyannıň tabılmawın citkerde.
Raketalarnıň oçırtıluı arqasında Tön’yaq Koreyağa Yaponiyanıň Pekin ilçelege aşa protest notası birelüe belderelde.
Tön’yaq Koreyanıň 2022nçe yıl başınnan birle ütkärgän raketa sınawlarınıň sanı 15kä citte.
