Könçığış Afrikada aşığıç çaralar kürergä kiräk
Köçle qorılıq şaqtıy ilgä tiskäre yoğıntı yasıy
Berläşkän Millätlär Oyışmasınıñ gumanitar êşlärne koordinaśiyäläw ofisı tarafınnan oyıştırılğan häm 40tan artıq xalıqara oyışma qatnaşqan cıyılışta Könçığış Afrikada küzätelgän qorılıq tikşerelde.
40 tan artıq ictimaği oyışma qorılıqnıñ şaqtıy ilgä tiskäre yoğıntı yasawın belderep, tiz arada aşığıç çaralar kürergä öndäde.
Cıyılıştan soñ yasalğan yazma belderüdä äytelgänçä, Kovid -19 êpidemiyäse, bäreleşlär, igen qırlarına çül sarançaları kitergän zıyan xäzerge xälne tağın da awırlaştra.
Belderüdä Somali,Keniya häm Êfiopiyädä 14 million keşeneñ açlıq çigendä toruları äytelä , sezonlı yañğırlar bulmağanda bu san 20 milionğa citärgä mömkin diyelä.
Afrika mögezendä genä dä azıq-tölek probleması 5 million 700 meñ balağa tiskäre yoğıntı yasıy.
Öç ildä azıq-tölek problemasına qarşı köräşü öçen kim digändä 4,4 trillion dollar kiräk, Somaliğa älegä qadär 64,7 million dollar ğına birelgän.
