İmran Xan waqıtınnan êlek saylawğa çaqırdı

Cirle matbuğattağı xäbärlärgä kürä, “Paqıstan Ğadälät xäräkäte” partiyası liderı Xan wazıyfasınnan alınuınnan soñ berençe mitingın Peşaverdä oyıştırdı.

Xan biredä yasağan belderüendä: "Yaña saylaw tiz arada iğ’lan itelergä tiyış, tiskäre oçraqta xalıqnı uramğa çığaraçaqmın”, - dip äytte.

Xalıqtan üzenä qarata tışqı qatışuğa qarşı tınıç uram cıyının ütkärüen teläwçe Xan Amerika Quşma Ştatlarına Paqıstanda xärbi baza birmäwe öçen Waşingtonnıñ ildä rejim üzgärtüen däğwa itte.

Xan Paqıstannıñ Amerika Quşma Ştatları öçen suğışuın, läkin Waşingtonnıñ dron höcümnäre belän gäyıpsez paqıstanlılarnı üterüen belderde.

İldä 3 tapqır baş ministr wazıyfasın başqarğan Navaz Şärifneñ bertuğanı Şahbaz Şärif parlamentta 11nçe aprel’dä uzğan tawışqa quyuda 174 tawış belän baş ministr bulıp saylağan ide.

Paqıstanda parlamentta 10nçı aprel’dä ütkärelgän ışanıç votumın tawışqa quyu näticäsendä 174 tiskäre tawış alğan İmran Xan xökümäte tarqatılğan ide.